humorgrafe: 2018-12-23

Saturday, December 29, 2018

Happy Holidays and Happy New Year from friends in cartoon

Carlos Amorim

Arsen Gevorgyam

Musa Kayra

Peter Zavacky

Qasim Qapalam

Semerenko

Stefan Jagodic

Stafan Provijn

Toso Borkovic

Yalda Hashemizhad

// posted by humorgrafe @ 4:01 PM 0 comments

Monday, December 24, 2018

Happy Holidays and Happy New Year from friends in cartoon

Elena Ospina

Francisco Puñal Suarez

Gio

Jesus Carreño

Kempeneers

Lubomir Kotrha

Marco de Angelis

Marian Lupu

Mikhail Zlatkovsky

José Monginho

Nestor Damaso

Omar Perez

Paulo Fernandes

Pedro Ribeiro ferreira

Philippe Bossens

Quing Yang

Renée Bouschet

Siro Lopez

Stefaan Provijn

Ugo Sagini

Valery Aleksandrov

Zé Oliveira

// posted by humorgrafe @ 5:06 PM 0 comments

Sunday, December 23, 2018

Noite de Paz por Siro Lopez (in Voz de Galicia)

Despois que o anxo anunciara aos pastores o nacemento de Xesús en Belén, baixaron do empíreo os exércitos celestiais e loaron a Deus dicindo: «Gloria a Deus nas alturas e paz na terra á xente de boa vontade». Cando marcharon todos, os pastores comentaron, pachorrudos: «Pois iremos ver logo que pasou». E foron.

En cascar trolas, a Lucas o evanxelista non hai quen o iguale; pero mente bonito e, aínda que as voces celestiais non valesen de moito, aquela noite que imaxinou segue a ser para crentes e xente de boa vontade a Noite de Paz. Así a sentiu Joseph Mohr, mozo crego austríaco, ao escribir un poema con ese título e levarllo ao organista Franz Xaver Gruber para que o musicase e nacese unha panxoliña, estreada o 24 de Nadal de 1818, que, desde 2011, é patrimonio da humanidade.

Na Primeira Guerra Mundial os exércitos británico e alemán acordaron unha tregua o 24 de Nadal de 1914 e, á noite, nas dúas trincheiras cantouse “Noite de Paz” en cadanseu idioma. Os altos mandos, enrabechados, tomaron medidas para que a experiencia non se repetise nos seguintes anos. Na Segunda, en 1944, despois do desembarco de Normandía, os alemáns lanzaron a chamada ofensiva das Ardenas, en Bélxica, e causaron o caos nos aliados. Tres soldados americanos -un deles ferido- perdéronse no bosque Hurtgen baixo forte nevada e o 24 de Nadal chegaron a unha chabola, na que Elisabeth Vincken e o fillo Fritz, de 12 anos, arranxaban a cea. Malia o perigo que supuña, a muller acolleunos e mentres curaba o ferido entraron catro soldados alemáns. Todos berraban apuntándose coas armas ata que a muller se interpuxo e afirmou: «Ninguén vai disparar aquí, porque imos compartir a cea e a calor do lume!». Fritz Vincken contou a historia na revista americana Reader’s Digest, pero quen a deu a coñecer internacionalmente foi Reagan, en 1985, nun discurso na Base Aérea dos EUA en Bitburg, Alemaña. Fritz e un daqueles soldados, Ralph Blank, reencontraríanse en 1996, pasados 52 anos.

Na Guerra Civil española non houbo treguas no Nadal e si batallas cruentas e execucións de vencidos, en ambos os bandos. Propúxolla a Franco, en 1938, o nuncio Gaetano Cicognani, pero sen éxito; en troques hóuboas en distintas épocas do ano para que republicanos e nacionais se enfrontasen en partidos de fútbol, a outra relixión ou o outro opio do pobo, segundo se mire.

Nin para celebrar o Nadal, nin para xogar ao fútbol hai tregua na guerra dialéctica entre independentistas e constitucionalistas en Cataluña. Por terceiro ano consecutivo a alcaldesa de Barcelona sorprendeu á cidadanía cun belén non tradicional na praza de Sant Jaume, e por terceiro ano portavoces do PP e de C’s acúsana de aldraxar os católicos. A cordura púxoa o arcebispo ao declarar que respecta o «belén laico» de Colau, aínda que preferiría «un máis entendible». Claro, coma o que a Asociación de Pesebristas de Barcelona vén facendo desde 1863 e pode verse no Museo Frederic Marès. Ou coma o que Arturo Baltar fixo, durante moitos anos, en Ourense; un dos máis fermosos de España, aínda que non se coñeza. Coa promoción axeitada, a xente acudiría a Ourense a ver o belén de Baltar, como vai a Vigo a ver as luces de Abel Caballero.

// posted by humorgrafe @ 4:01 PM 0 comments