Wednesday, February 22, 2017
Tertúlia - Rafael Bordalo Pinheiro no Museu Bordalo Pinheiro de Lisboa no dia 22 Fev. 18h30
Rafael Bordalo Pinheiro viveu no Brasil entre 1875 e 1879.
É um período da sua vida menos conhecido em Portugal, apesar de ter sido muito rico e de ter deixado ficar o seu nome ligado ao humor brasileiro (nomeadamente com a publicação de jornais como o Besouro e o Psst!).
Rômulo Farias Brito é doutorando da Pontifícia Universidade Católica do Rio Grande do Sul e está no Museu a investigar estes tempos brasileiros de Bordalo.
Venha ouvir o resultado da sua investigação no dia 22 (4ª feira) às 18.30.
Sunday, February 19, 2017
XXI Prémios Curuxa 2017
Boletín Oficial da Provincia publica as bases dos premios
Curuxa do Humor 2017 convocados polo Concello de Fene para galardoar as
mellores obras de humor gráfico do Estado. Cunha dotación total de 5.000 euros,
os Curuxa do Humor contan de novo con dous apartados, os Curuxa para maiores de
25 anos e os Curuxa-Nova para autores e autoras menores desa idade. En calquera
caso os traballos deben presentarse no rexistro municipal antes das 23.59h. do
día 30 de maio. O fallo do xurado coñecerase dous meses despois e os premios
entregaranse, previsiblemente, na clausura da programación do “Novembro, mes do
humor”.
Os traballos que se queiran presentrar a concurso deberán
ser inéditos e encadrarse nalgunhas das tipoloxías do humor gráfico definidas
nas bases publicadas no BOP, é dicir, debuxo mudo, texto ilustrado ou viñeta. O
tema é completamente libre, pero todas as obras terán que remitirse en papel
-incluso os deseños dixitais- e non serven gravados nin fotocopias. As
dimensións serán, como máximo, de 29,7x42 cm., o tamaño dunha folla A3.
No certame poderá participar calquera persoa residente no Estado
achegando unha obra como máximo. Admítense obras en calquera das linguas
oficiais, aínda que nas bases tamén se puntualiza que os traballos en castelán,
catalán e euskera deberán vir acompañados da correspondente tradución ao
galego.
Os Curuxa do Humor 2017 repiten con dúas categorías, unha para
maiores de 25 anos (Curuxa) e outra para menores desa idade (Curuxa-Nova). Iso
si, as bases puntualizan que os novos talentos tamén poden participar nos
Curuxa, renunciando desta maneira a facelo na categoría dirixida á mocidade.
Hai dous premios en cada apartado: 2.000 euros e diploma para
quen gañe o Curuxa e 1.500 e diploma para o segundo premio, mentres que no
Curuxa-Nova o gañador ou gañadora levará 1.000 euros con diploma e a segunda
mellor obra recibirá, ademais do diploma, 500 euros.
O prazo de presentación das obras finalizará ás 23.59h. do día
30 de maio de 2017. Deberán entregarse no rexistro municipal nun sobre pechado
e sen identificación algunha onde rece a frase “Para o concurso de humor gráfico
Curuxa do Humor 2017” e a categoría á que se concorre “Curuxa” ou
“Curuxa-Nova”. Para garantir o anonimato do proceso empregarase o sistema de
plica, polo que as obras se acompañarán, á súa vez, dun sobre independente
pechado, e en cuxo exterior conste a categoría na que concursa, o título da
obra e o lema ou pseudónimo da persoa autora
No interior da plica incluirase a ficha de inscrición cuberta
-anexo 1 descargable da web municipal-, unha declaración responsable expresa de
que a obra é da súa autoría, inédita e orixinal -anexo 2- e unha copia do DNI.
Se se trata dunha persoa menor, tamén deberá incluirse a autorización asinada
pola persoa adulta ao cargo dela (anexo 3 das bases).
O xurado dos Curuxa 2017 estará formado por representantes
municipais e por tres persoas especialistas ou humoristas gráficas. O seu fallo
darase a coñecer dous meses despois de finalizado o prazo de presentación dos
traballos.
Os premios Curuxa do Humor convocáronse por primeira vez
en 1984 e celebráronse de forma ininterrompida até o ano 2007. En 2015 o
Concello de Fene recuperou o certame co gallo do 30º aniversario do Museo do
Humor e co obxectivo renovado de premiar o mellor humor gráfico do momento,
ademais de dotar ao propio museo dunha maior proxección pública dentro e fóra
de Galicia.
Na súa primeira etapa os premios entregábanse no marco das
Xornadas do humor. Porén, nestes momentos fanse coincidir coa programación do
“Novembro mes do humor”, trinta días nos que o museo se converte en escenario
de monólogos e outras actividades.
Descargas
